Kattaqo‘rg‘on shahar drama teatri ijodiy jamoasi gastrol safari bilan Tojikistonga bordi
Ijodiy safar davomida Dushanbe shahridagi drama teatrida Abdulla Avloniyning «Advokatlik osonmi» spektakli namoyish etildi.
Kattaqo‘rg‘on shahar drama teatri ijodiy jamoasi ijrosidagi ushbu spektakl tomoshabinlar tomonidan olqishlar bilan kutib olindi.
Tomosha so‘ngida Tojikiston madaniyat vakillari va Kattaqo‘rg‘on shahar drama teatri rahbarlari so‘zga chiqib, davlatlarimiz rahbarlari tomonidan olib borilayotgan oqilona va do‘stona siyosat ikki mamlakat o‘rtasidagi o‘zaro aloqalarni rivojlantirishga xizmat qilayotganini alohida ta’kidlashdi.
