Kattaqo‘rg‘onda barpo etilgan “mehnat guzari”da 21 nafar yoshlar ish bilan ta’minlandi
Kattaqo‘rg‘on tumanidagi Go‘zal mahallasida “Yoshlar mehnat guzari” faoliyat boshladi.
Tadbirkor O‘ktam Alimov tomonidan tuman hokimligi zaxirasidagi tashlandiq yer maydonida mazkur majmua barpo etildi. Buning uchun tadbirkor o‘z mablag‘i hisobidan 1 milliard so‘m sarfladi.
Bu yerda “Yoshlar” klinikasi, oshxona, sartaroshxona, telefon ta’mirlash ustaxonasi, “Kitoblar olami markazi” hamda qandolatchilik mahsulotlari ishlab chiqarish sexi ishga tushirildi.
Natijada hududdagi 21 nafar ishsiz yoshning bandligi ta’minlandi.
