Moskva birjasi dollar va yevrodagi savdolar to‘xtatilganini e’lon qildi
Moskva birjasi 13 iyundan boshlab Amerikaning yangi sanksiyalari tufayli dollar va yevrodagi savdolar to‘xtatilganini e’lon qildi. Avvalroq AQSh moliya vazirligi o‘zining sanksiyalar ro‘yxatiga 30 dan ortiq jismoniy shaxs va 300 kompaniyani qo‘shib kengaytirgan edi.
AQSh moliya vazirligining yangi ro‘yxatiga Xitoy, Turkiya, Qozog‘iston, Qirg‘iziston, Bolgariya, Serbiya, Janubiy Afrika, Birlashgan Arab Amirliklari, Belarus va Britaniya Virjiniya orollari kompaniyalari kiritilgan.
Sankt-Peterburg va boshqa shaharlarda valyuta ayirboshlash shoxobchalarida katta navbat vujudga kelmoqda.
