Nurobod tumani markazida yaroqsiz ahvolga kelib qolgan yo‘llar ta’miri uchun 690 million so‘m ajratildi

Ayni kunlarda Nurobod tumani yo‘llardan foydalanish unitar korxonasi tomonidan Amir Temur va Navro‘z mahallalaridagi ichki yo‘llarning 2 km. 584 m. qismiga asfalt yotqizilib, joriy ta’mirlash ishlari olib borilmoqda. Bu haqda tuman hokimligi axborot xizmati xabar bermoqda.

Yo‘l ta’miri nurobodliklarni quvontirishi aniq. Sababi, Nurobodning o‘nqir-cho‘nqir yo‘llaridan qiynalib o‘tayotgan avtomashina haydovchilari bu yo‘llarning ta’mirini ancha kutishdi.

Olib borilayotgan joriy ta’mirlash ishlari avtomashinalarning kuz-qish mavsumida harakatlanishidagi noqulayliklarni bartaraf etadi, albatta.