Nurobod tumaniga hokim tayinlandi
Nurobod tumanida o‘tkazilgan xalq deputatlari tuman Kengashining navbatdan tashqari sessiyasida tashkiliy masala ko‘rildi.
Sessiyada deputatlar tomonidan Berdiqulov Sirojiddin Valiqulovich nomzodi Nurobod tumani hokimi lavozimiga tasdiqlandi.
Sirojiddin Berdiqulov 1979 yilda Jomboy tumanida tug‘ilgan. Mazkur tayinlovga qadar O‘zbekiston Respublikasi Veterinariya va chorvachilikni rivojlantirish davlat qo‘mitasi raisining birinchi o‘rinbosari lavozimida faoliyat olib borgan.
