Oqdaryoda bir guruh zo‘ravonlar yo‘lovchi avtobus yo‘lini to‘sdi, IIB holat bo‘yicha bayonot berdi

Oldinroq bir guruh shaxslar ichida yo‘lovchilar bo‘lgan avtobus yo‘lini to‘sib, toshbo‘ron qilgani haqda xabar tarqaldi. Holat yuzasidan viloyat IIB axborot xizmati munosabat bildirdi.

“Oqdaryo tumani hududidan o‘tuvchi yo‘lda bir guruh fuqarolar yo‘lovchi tashuvchi avtobus yo‘lini to‘sib, oynasiga tosh otganligi holatining sabablari viloyat IIB tomonidan o‘rganilmoqda.

O‘rganishlar yakuni bilan ushbu holatda ishtirok etgan barcha shaxslarning harakatlariga huquqiy baho beriladi”, deyiladi IIB xabarida.