Osiyo Kubogi—2019: O‘zbekiston guruh g‘olibligi uchun Yaponiyaga qarshi maydonga tushadi
Yana sanoqli soatlardan keyin futbol bo‘yicha Osiyo Kubogining 3-turi doirasida so‘nggi uchrashuvlar bo‘lib o‘tadi.
O‘zbekiston terma jamoasi yaponiyalik charm to‘p ustalari bilan guruh birinchiligi uchun kurash olib boradi.
Uchrashuvga Toshkent vaqti bilan 18:30 da start beriladi.
Terma jamoamizga omad tilaymiz!
2-turda O‘zbekistonga yirik hisobda mag‘lub bo‘lgan (4:0) Turkmaniston termasi Ummon terma jamoasiga qarshi maydonga tushadi.
«E» guruhida musobaqa mezboni Saudiya Arabistoni termasi Qatar terma jamoasi bilan jang qilsa, mazkur guruhning ikkinchi bellashuvi Livan va KXDR terma jamoalari o‘rtasida kechadi. O‘yinlar soat 21:00 da boshlanadi.
Ma’lumot uchun: Qatar va Saudiya Arabistoni terma jamoalari ikki tur natijasiga ko‘ra, guruhda 6 ochko to‘plab, muddatidan avval pley-off yo‘llanmasini qo‘lga kiritgan.
