O‘zbekistondan yangi tranzit yo‘nalishi bo‘ylab birinchi poyezd yo‘lga chiqdi
«Xitoy-Qirg‘iziston-O‘zbekiston-Afg‘oniston» multimodal yo‘lagini rivojlantirish maqsadida “Qashg‘ar – O‘sh – Andijon – G‘alaba – Hayraton” yangi tranzit yo‘nalishi bo‘ylab konteyner poyezdini sinov tariqasida ishga tushirish boshlandi.
Ayni paytda mazkur yo‘nalish bo‘yicha 12 dona 40 futlik konteynerdan iborat birinchi poyezd mamlakatimiz hududi orqali yo‘lga chiqmoqda.
“Xitoy – Qirg‘iziston – O‘zbekiston – Afg‘oniston” yangi multimodal yo‘lagi bo‘ylab yuk tashish Qashg‘ar (Xitoy) t/y stansiyasidan O‘sh (Qirg‘iziston) t/y stansiyasiga avtomobil orqali, so‘ngra “Mozori Sharif” (Afg‘oniston) stansiyasigacha O‘zbekiston hududidan temir yo‘l orqali amalga oshiriladi.
