O‘zbekistonlik sportchilarning qishki Olimpiya o‘yinlari uchun tayyorlangan formasi namoyish etildi
Tokio-2020 yozgi Olimpiya o‘yinlarida O‘zbekiston delegatsiyasi uchun forma yaratgan 7SABER brendi Pekin-2022 qishki Olimpiya o‘yinlarida ishtirok etadigan o‘zbekistonlik sportchilar uchun ham forma tayyorladi.
Qayd etilishicha, O‘zbekistonda ham xuddi dunyoning ko‘plab davlatlarida bo‘lgani kabi MOQning rasmiy hamkorlari delegatsiyaga bepul xizmat ko‘rsatadi. 7SABER brendi MOQning rasmiy hamkori bo‘lgan holda, sportchilarga formani bepul taqdim etgan.
"7SABER brendi ikkinchi marta mamlakatimiz Olimpiya delegatsiyasiga homiylik qilayotgani biz uchun katta sharaf", deydi brend asoschisi va bosh direktori Oraz Abdurazzoqov.
Ta’kidlash joiz, ushbu Olimpiya o‘yinlarida Komiljon To‘xtayev tog‘ chang‘isining slalom va gigant slalom dasturlarida mamlakat sharafini himoya qiladi.
