Paxtachidagi baza stansiyasi yil oxiriga qadar 2G texnologiyasidan 3G texnologiyasiga modernizatsiya qilinadi

Saytimizda e’lon qilingan “Qirda o‘tdi onlayn darslar: Yosh avlod qachongacha internet to‘lqinini izlab sarson bo‘ladi?” sarlavhali maqola ishchi guruh tomonidan o‘rganib chiqilgan.

Axborot texnologiyalari va kommunikatsiyalarni rivojlantirish vazirligi viloyat hududiy boshqarmasi boshlig‘i D.Xo‘jamberdiyev imzosi bilan kelgan xatga ko‘ra, Paxtachi tumani Fay mahallasi hududida “Beeline” operatoridan tashqari, barcha mobil aloqa operatorlarining signal sathlari aloqa o‘rnatish uchun yetarli darajada ekanligi, internet xizmatlaridan foydalanish uchun yetarli darajada emas.

Shuningdek, “O‘zMobayl” filiali tomonidan Paxtachi tumani Fay mahallasiga xizmat ko‘rsatuvchi baza stansiyasi 2020 yilning oxiriga qadar 2G texnologiyasidan 3G texnologiyasiga modernizatsiya qilinishi rejalashtirilganligi ma’lum qilingan.

Bu haqda fuqaroga ham ma’lumot berilgan.