Pokiston janubidagi portlash oqibatida 13 kishi halok bo‘lgan
Pokiston janubidagi Karachi shahrida yuk mashinasining portlashi oqibatida kamida 13 kishi halok bo‘ldi, bir necha kishi jarohatlandi, deb xabar beradi mahalliy Geo TV.
Uning so‘zlariga ko‘ra, rasmiylar granatali hujum bo‘lgan, deb hisoblamoqda. Qayd etilishicha, ikki jarohatlanganning ahvoli og‘ir.
Politsiya fojiali voqea ortida kim turganini ayta olmasligini ta’kidladi. "Bu oilaviy kelishmovchilik yoki terrorchilik harakati bo‘lishi mumkin. Biz buni aniqlashga harakat qilyapmiz", dedi huquqni muhofaza qilish organlari xodimlari. Ammo xulosa chiqarishga hali erta.
