Polshadan avtoshina olib kelishni va’da qilgan firibgarga jinoyat ishi ochildi
Toshkentda avtomobil shinalarini olib kelishni va’da qilgan firibgarga jinoyat ishi ochildi, deb xabar qildi poytaxt IIBB matbuot xizmati.
Xabarda aytilishicha, Toshkent shahri Shayxontohur tumani IIO FMBga 27 yoshli Asrol K. murojaat qilib, 2019 yilning noyabr oyida unga Polshadan avtomobil shinalarini olib kelishini va’da qilgan va “xizmati” uchun 40.000 AQSh dollari olgan 46 yoshli Alisher Sh.ga nisbatan chora ko‘rishni so‘radi.
Alisher Sh. va’dasiga xilof tarzda pullarni o‘z ehtiyojiga sarflab yuborgan.
Mazkur fakt asosida Jinoyat kodeksining 168-moddasi 4-qismi (firibgarlik) bo‘yicha jinoiy ish qo‘zg‘atildi.
