Qidiruvdagi jinoyatchi profilaktika tadbirida ushlandi
Samarqand shahar Kimyogarlar qo‘rg‘onida yashovchi, 1997 yilda tug‘ilgan A.K. bosqinchilik jinoyatini sodir etganligi uchun 2018 yil noyabr oyidan buyon huquqni muhofaza qiluvchi organlar tomonidan qidirilayotgan edi.
Viloyat IIB huquqbuzarliklar profilaktikasi boshqarmasining xabar berishicha, viloyat hududida o‘tkazilayotgan “Huquqbuzarliklar profilaktikasi kuni” tadbirlari davomida jinoyatchi ushlangan.
Samarqand shahri bo‘yicha ichki ishlar organlari faoliyatini muvofiqlashtirish boshqarmasi 1-sonli IIB profilaktika inspektori N.Isrofilov A.K.ni Samarqand shahar Temiryo‘l vokzali hududida qo‘lga olgan.
