Qurbon hayiti kuni yo‘lovchi avtobuslari soat 04.00 dan ish boshlaydi
Joriy yilning 28 iyun kuni “Qurbon hayiti” bayrami nishonlanishi munosabati bilan yo‘lovchilar tashish uzluksizligini ta’minlash va aholiga ko‘rsatilayotgan transport xizmatlari sifatini oshirish maqsadida Samarqand shahar avtobus yo‘nalishlaridagi barcha avtobuslar yo‘nalishlarga chiqariladi.
Viloyat transport boshqarmasi matbuot xizmati xabariga ko‘ra, “Qurbon hayiti” namozi o‘qilishi munosabati bilan masjidlarga kelib ketishda shahrimiz aholisiga qo‘shimcha qulaylik yaratish maqsadida avtobuslar harakati soat 4:00 dan boshlab yo‘lga qo‘yiladi.
Bayram munosabati bilan qo‘shimcha dam olish kunlari sifatida belgilangan 29, 30 iyun, shuningdek, 1, 2 iyulda esa jamoat transporti odatiy jadval asosida harakatlanadi.
