Respublika ishchi guruhi a’zolari Urgutda uchrashuvlar o‘tkazdi

Joriy yilning 6-7 avgust kunlari viloyatimizning barcha tumanlari qatori Urgut tumanining Kamangaron, Vag‘ashti, G‘o‘s qishloqlari aholisiga jinoyatchilikning oldini olish yuzasidan profilaktik tushuntirish ishlari olib borildi.

Respublikadan Samarqand viloyatiga kelgan ishchi guruh rahbarlari tomonidan mazkur aholiga huquqbuzarliklar va jinoyatchilikning oldini olish, odam savdosi, diniy ekstremizm va terrorizm kabi salbiy illatlarning oqibatlari haqida tushunchalar berildi.

Shu bilan birga, oxirgi vaqtlarda yoshlar tomonidan jinoyat qilish holatlari ortib borgani, aholi tomonidan har xil ko‘rinishdagi ommaviy tartibsizliklar sodir etilgani, bunday holatlarda “Qonun ustuvor, jazo muqarrar” ekanligi tushuntirib o‘tildi va shunga o‘xshash holatlar qayta takrorlangan taqdirda, jinoyat jazosiz qolmasligi qayta-qayta takrorlab o‘tildi hamda ota-onalar farzandlari tarbiyasiga e’tiborli bo‘lishlari lozimligi ta’kidlandi.