Rossiyaning Sankt-Peterburg shahrida o‘tkaziladigan ShHT sammitida 20 dan ortiq hujjat imzolanishi kutilmoqda

Bu haqda 12 iyun kuni ShHT Bosh kotibi Vladimir Norov ma’lum qildi.

ShHT sammiti 21-23 iyul sanalarida bo‘lib o‘tishi rejalashtirilgan edi. Biroq pandemiya sababli tadbir kuz oylariga qoldirildi.

“Joriy sammitda 20 dan ortiq hujjatlar imzolanishi kutilmoqda”, deya ta’kidladi Norov jurnalistlar bilan uchrashuvda.

ShHT – 2001 yilda Xitoy, Rossiya, O‘zbekiston, Qozog‘iston, Tojikiston va Qirg‘iziston rahbarlari tomonidan tashkil etilgan xalqaro tashkilot. 2017 yil 9 iyun kuni Qozog‘iston poytaxti Ostona (Nur-Sulton) shahrida o‘tkazilgan sammitda ShHTga a’zo davlatlar rahbarlari tashkilotga Hindiston va Pokiston davlatlarini ham kiritish to‘g‘risida qaror imzoladi.