Samarqand shahrining serqatnov ko‘chalariga turistik yo‘l ko‘rsatkichlari o‘rnatildi
Joriy yilning 27 fevral kuni Samarqand shahrida xususiy tadbirkor hamda turizmni rivojlantirish departamenti hamkorligida turistik yo‘l ko‘rsatkichlari o‘rnatildi. Ushbu yo‘l ko‘rsatkichlarini dastlabki bosqichda shaharning serqatnov ko‘chalari, xususan, Ibn Sino va Dahbed, Universitet xiyoboni va Bo‘stonsaroy ko‘chalari kesishmasidagi nuqtalarda o‘rnatish ishlari amalga oshirildi. Yo‘l ko‘rsatkich belgilarini o‘rnatishdan maqsad - viloyatimizga tashrif buyuradigan sayyohlar uchun qulaylik yaratishdir. Kelgusida Samarqandning barcha tarixiy obidalari va madaniy markazlari yonida shu kabi belgilarni o‘rnatish rejalashtirilgan.
Samarqand viloyati Turizmni rivojlantirish departamenti matbuot xizmati.
