Samarqandda qo‘lbola usulda alkogol mahsulotlari ishlab chiqarayotgan sex fosh etildi

Bosh prokuratura huzuridagi Departamentning Samarqand shahar bo‘limi tomonidan o‘tkazilgan tezkor tadbirda fuqaro F.G. yashirin sex tashkil qilib, qo‘lbola usulda tayyorlangan qalbaki aksiz markalar bilan yelimlangan aroq mahsulotlarini boshqa fuqaroga sotayotgan vaqtida ushlangan.

Tadbirda F.G.ning yashirin sexidan qo‘lbola usulda tayyorlangan, iste’molchilarning hayoti va sog‘lig‘i talabiga javob bermaydigan 0,5 hajmli “Troyka” “Filatoff”, “Medovaya” nomli va 34 dona 1,5 litr hajmli yelim idishlardagi spirtli ichimliklar hamda “Konyak” alkogol mahsulotlari, bir xil raqamli qalbaki aksiz markalar ashyoviy dalil sifatida olingan.

Bosh prokuratura matbuot xizmati xabariga ko‘ra, mazkur holat yuzasidan JKning 176 va 186-moddalari bilan jinoyat ishi qo‘zg‘atilib, tergov harakatlari o‘tkazilmoqda.