Samarqanddagi institut Lyuksemburgda “O‘zbekistonning bebaho merosi” nomli taqdimot va ko‘rgazma o‘tkazdi
Samarqand shahrida 2025 yil bo‘lib o‘tishi rejalashtirilgan YuNESKO Bosh konferensiyasining 43-sessiyasi munosabati bilan Samarqand iqtisodiyot va servis instituti delegatsiyasi tomonidan Lyuksemburgda qator taqdimot va ko‘rgazmalar o‘tkazildi.
Jumladan, Gersoginya Sharlotta xotira maydonida Samarqandning ulkan turistik salohiyati, ajdodlarimizning bebaho merosi haqida hikoya qiluvchi taqdimotlar, milliy hunarmandchilik va miniatyura, mahalliy shirinliklar va non mahsulotlari namunalari ko‘rgazmasi namoyish etildi.
Tadbirda Lyuksemburgning turli rasmiy tashkilotlari rahbarlari, diplomatik korpus, keng jamoatchilik vakillari hamda O‘zbekiston Respublikasining Belgiya Qirolligidagi Elchixonasi vakillari ishtirok etishdi.
Avvalroq institut tomonidan xuddi shunday tadbirlar Daniyada ham o‘tkazilgan edi.
