"Samarqandning eng faol jurnalisti” tanlovi e’lon qilinadi

Viloyat hokimligi, O‘zbekiston Jurnalistlar uyushmasi viloyat bo‘limi, viloyat axborot va ommaviy kommunikatsiyalar boshqarmasi “Samarqandning eng faol jurnalisti” tanlovini e’lon qiladi.

Tanlov televideniye, radio, internet, bosma nashrlar, fotojurnalistika va axborot xizmati yo‘nalishlarida o‘tkaziladi.

Tanlov quyidagi tartibda tashkil etiladi:
– yil dasturlari bilan bog‘liq mavzularni yoritish;
– tahlil, tanqid, munosabat bildirish va jamoatchilik fikrini uyg‘otish;
– zamonamiz qahramonlari siymosini yaratish;
- boshqaruv organlari faoliyatini bevosita efirlar orqali yoritish.

Tanlovga:

muallifning 5 tadan kam bo‘lmagan ijodiy ishlari (fayl to‘plami, fotoalbom ko‘rinishida yoki SD disk formatida);

aloqa telefonlari;

ijodiy jarayondan olingan fotosurat;

muallifning ma’lumotnomasi (ob’yektivkasi)

tavsiyanoma.

Tanlovga 2022 yil 1 iyundan 2023 yilning 1 iyuniga qadar e’lon qilingan ijodiy ishlar 20 iyungacha O‘zbekiston Jurnalistlar uyushmasi viloyat bo‘limi (Samarqand shahri, Ulug‘ Tursunov ko‘chasi, 80-uy, viloyat Matbuot uyi)ga yuborilishi lozim.

G‘olib deb topilganlar hay’at a’zolari tomonidan 27 iyun – Matbuot va ommaviy axborot vositalari xodimlari kuni arafasida e’lon qilinadi.

Murojaat uchun telefonlar: 66-233-91-69, 66-233-91-59, 93-339-99-84.