Samarqandning sayyohlar ko‘p tashrif buyuradigan joylarida axborot markazlari tashkil etiladi
2019 yilda Samarqand viloyati sayyohlik salohiyatini oshirish va turizm infratuzilmasini yanada rivojlantirish bo‘yicha tuzilgan yo‘l xaritasiga ko‘ra, Registon majmuasi, Amir Temur maqbarasi, Mirzo Ulug‘bek rasadxonasi, Samarqand temiryo‘l vokzali va Jartepa nazorat o‘tkazish punktida davlat-xususiy sheriklik asosida axborot markazlari tashkil qilinadi. Unda viloyatimizning turizm salohiyati aks etgan tarqatma materiallar joylashtirilib, sayyohlarga axborot taqdim etiladi.
