Sartepa maskanidagi 73-ko‘p qavatli uyda nega tabiiy gaz yo‘q?

Telegramdagi @zarafshonbot manzilimizga Samarqand shahri Sartepa maskani, Botir Zokirov mahallasi hududidagi 73-uyda istiqomat qiluvchi fuqarolar nomidan, mazkur ko‘p qavatli uyning 39-xonadoni sohibasi B.Muhammadiyevadan murojaat kelib tushdi.

Murojaatda aytilishicha, uyning tabiiy gaz ta’minotida uzilish sodir bo‘lgan. 5-6 kundirki, bu ko‘p qavatli uyda yashayotgan aholi taom tayyorlash, choy qaynatib ichishga qiynalyapti. Hali qish kirib kelmasdan, bunday sinovlarga duchor bo‘layotgan xonadon sohiblari xavotirlangancha, elektr uskunalar xarid qilishni boshlab yuborishgan. Elektr energiyasi ta’minotida ham uzilish sodir bo‘lmasligiga ko‘zi yetmayotgan ayrim qo‘shnilarning ta’minot idoralari mutasaddilariga qilgan murojaati e’tiborsiz qoldirilmoqda.