“Shishalangan suv qiroli”, «Twitter»ning yangi egasi – dunyo milliarderlari
«Nongfu Spring» shishalangan suv kompaniyasi egasi Chjun Shanshan Xitoyning eng boy odamiga aylandi. Bu haqda Hurun Research Institute tadqiqot tashkilotining 8 noyabr kuni chop etilgan hisobotida aytiladi.
Shanshan ikkinchi yil ketma-ket ro‘yxatda birinchi o‘rinni egallab turibdi. Oxirgi 12 oy ichida 68 yoshli milliarder o‘z boyligini 17 foizga oshirib, 65 milliard dollarga yetkazdi.
Ikkinchi o‘rinni oxirgi bir yil ichida boyligi 28 foizga kamayib, 35 milliard dollarga yetgan bo‘lsa-da, TikTok ilovasiga egalik qiluvchi ByteDance kompaniyasining 39 yoshli asoschisi Chjan Imin egalladi.
Tashkilot ma’lumotlariga ko‘ra, o‘tgan yili 10 milliard dollardan ortiq boylikka egalar soni 85 nafar bo‘lgan bo‘lsa, bu yil milliarderlar soni qisqarib, 56 kishi nitashkil etmoqda.
«Bloomberg Billionaires Index»ning 15 sentyabr holati talqiniga binoan, hindistonlik multimilliarder, xususiy ko‘mir qazib oluvchi kompaniyaga ega Gautam Adani dunyoning eng boy odamlari ro‘yxatida amerikalik tadbirkor, Amazon.com internet, Blue Origin aerokosmik kompaniyalari asoschisi Jeff Bezosni ortda qoldirgani ma’lum bo‘ldi.
Birinchi o‘rinni hamon 183 milliard dollar boyligi bilan Tesla va SpaceX egasi va asoschisi, ayni paytda Twitterni 44 milliard dollarga sotib olgan Ilon Mask egallab turibdi.
