Svetafor ishlamagani sababi aytildi
Kecha, 5 iyul kuni Zarnews saytida Samarqand shahridagi ko‘chalarda, jumladan Bo‘stonsaroy va U.Tursunov ko‘chalari chorrahasida svetafor ishlamayotgani haqida fotosuratlar berilgan edi. Ushbu material yuzasidan Samarqand viloyati IIB YHXB matbuot xizmati quyidagi javobni yo‘lladi:
Samarqand viloyati maxsus eksplutatsiya montaj korxonasi ma’lumotnomasiga ko‘ra, 2019 yil 5 iyul kuni elektr energiyasida uzilish sababli Samarqand shahar Bo‘stonsaroy-Tursunov ko‘chalari kesishgan chorrahasidagi svetafor ishlamagan. Shahar elektr tarmoqlari korxonasidan elektr liniyasidagi nosozliklar bartaraf etilgandan so‘ng svetaforlar belgilangan tartibda ishlashi ta’minlangan.
