Toshkentda mast ayol «Nissan»da 27 yoshli piyodani urib ketdi
Kecha, 24 iyun kuni taxminan soat 03:50 da Yashnobod tumanidagi Mirzo Ulug‘bek – Maxtumquli ko‘chalari kesishmasida piyoda o‘limiga sabab bo‘lgan YTH sodir bo‘ldi, deyiladi IIBB xabarida.
«Nissan Maxima» rusumli avtomobil haydovchisi 31 yoshli Tatyana T. piyodalar yo‘lakchasi bo‘ylab o‘tib ketayotgan 27 yoshli Bobur K.ni urib yuborgan. Yo‘l transport hodisasi natijasida piyoda voqea joyida hayotdan ko‘z yumgan.
YTH sababi: haydovchi mast holatda bo‘la turib, avtomobilning tezligini oshirgan holda harakatlangan.
