Uch chaqaloq sog‘lom voyaga yetmoqda

Past Darg‘om tumani Maroqand mahallasida yashovchi Sayfiddin O‘roqov va Zuhra Otamurodova xonadonida o‘tgan yil 6 noyabrda uch egizak farzand dunyoga kelgani haqida xabar bergan edik. Zahro, Husan va Fotima bugun sog‘lom voyaga yetmoqda.

- Farzand inson hayotining mazmuni, mevasi, — deydi Z.Otamurodova. — Mehriddin ismli o‘g‘limizdan keyin birvarakayiga uch farzand ato qildi.
Egizaklar - onaning qo‘shaloq baxti. Momolarimiz esa egizak farzand tug‘ilgan, voyaga yetgan yurtda baraka bo‘ladi, deyishadi. Shu ma’noda maroqandliklarning-da quvonchi cheksiz. Chunki keyingi o‘n yillar davomida mahallada uch nafar chaqaloq dunyoga kelmagandi-da.
Ilohim, yurtimizdagi har bir xonadonda shirindan shakar farzandlar kulgisi yangrasin!