Urgut tumanida Bog‘ishamol madaniyat markazi foydalanishga topshirildi
Mamlakatimiz mustaqilligining 32 yillig munosabati bilan tuman va shaharlarda qator ijtimoiy soha ob’yektlari foydalanishga topshirilyapti. Urgut tumanidagi 78-son Bog‘ishamol madaniyat markazi ham ana shunday inshootlardan biridir.
- Mazkur madaniyat markazi 3,5 milliard so‘m evaziga “Fayz” MChJ quruvchilari tomonidan rekonstruksiya qilindi, - deydi madaniyat markazi rahbari Shukrullo Karimov. - Markaz binosida ma’muriyat hamda to‘garak mashg‘ulotlarini o‘tkazish uchun 5 ta xona, tadbirlar o‘tkazishga mo‘ljallangan 250 o‘rinli tomosha zali bor. Markazimiz chzarur jihozlar bilan ham ta’minlandi.
Tadbirda jamoatchilik vakillari markazning “Besh qarsak” folklor ansambli jamoasining chiqishlarini tomosha qildi.
