Xalq deputatlari Samarqand viloyati Kengashi huzuridagi jamoat fondi
“Turizm va xizmat ko‘rsatish sohasini rivojlantirish, mahalla va oilalarda sog‘lom turmush tarzini va aholi sog‘lig‘ini mustahkamlashda jamoatchilikni keng jalb qilish”
mavzusida Davlat grantlari ajratish uchun 3-tur tanlovni
E’LON QILADI
Tanlovga nodavlat notijorat tashkilotlari, ommaviy axborot vositalari va fuqarolik jamiyati boshqa institutlarining quyidagi maqsadlarni nazarda tutuvchi ijtimoiy ahamiyatga molik loyihalari qabul qilinadi:
- aholi o‘rtasida sog‘lom ovqatlanish madaniyatini, sanitariya-gigiyena qoidalariga rioya etilishini mahallalar, ta’lim-tarbiya muassasalarida keng targ‘ib qilish;
- mahallalar hududlarida obodonlashtirish va ko‘kalamzorlashtirish, sanitariya-ekologik muhitni yaxshilashning aniq choralarini amalga oshirish;
- turizm mahallasi hamda qishloqlarida milliy hunarmandchilik mahsulotlarini ishlab chiqarishga aholini ish bilan band bo‘lmagan qismini jalb qilish;
- jamoat salomatligi va kasalliklar profilaktikasi hamda aholining sanitariya-epidemiologik osoyishtaligini ta’minlash, onkologik kasalliklar profilaktikasi va kasallikni erta bosqichda aniqlash bo‘yicha ijtimoiy sheriklik va jamoatchilik nazoratini yo‘lga quyish;
- toza havo, toza suv, toza o‘simlik, ularni asrab qolish targ‘ibotini amalga oshirish;
- aholining ekologik va tibbiy madaniyatini yuksaltirish, aholi, ayniqsa, yoshlar o‘rtasida sog‘lom turmush tarzini targ‘ib qilishda OAV rolini kuchaytirish.
Davlat granti ajratish uchun quyidagi hujjatlar taqdim etiladi:
1. Tashkilot rahbari tomonidan imzolangan va muhr bilan tasdiqlangan kuzatuv xati;
2. Viloyat Kengashi huzuridagi jamoat fondining https://t.me/samarqand_jamoat_fondi telegramm kanalida joylashtirilgan shaklda to‘ldirilgan davlat granti loyihasi uchun ariza;
3. Oxirgi o‘zgartish va qo‘shimchalar bilan davlat ro‘yxatidan o‘tgan Nodavlat notijorat tashkilotlar va fuqarolik jamiyati boshqa institutlarining Ustavi (Nizomi) nusxasi;
4. Tashkilotning davlat ro‘yxatidan o‘tganligi to‘g‘risidagi guvohnoma nusxasi;
5. Agar loyihani amalga oshirish litsenziyalanadigan faoliyatni talab qilsa, unda litsenziyaning nusxasi;
6. Manfaatdor davlat va jamoat tashkilotlarining tavsiya hamda qo‘llab-quvvatlash xatlari.
Bitta loyiha uchun ajratiladigan grant miqdori – 30 mln. so‘mgacha.
Hujjatlar 2021 yil 30 avgustgacha har kuni (dam olish va bayram kunlaridan tashqari) soat 9:00 dan 18:00 gacha qabul qilinadi.
Tanlov bo‘yicha hujjatlar muhrlangan konvertda (A4 format): 140107, Samarqand shahri Spitamen shoh ko‘chasi 159 “a” uy manziliga Nodavlat notijorat tashkilotlari va do‘stlik uyi binosi (110-xona), “Xalq deputatlari Samarqand viloyat Kengashi huzuridagi Nodavlat notijorat tashkilotlari va fuqarolik jamiyatining boshqa institutlarini qo‘llab-quvvatlash jamoat fondiga” deb ko‘rsatilgan tartibda yuborilishi shart.
Ma’lumot uchun telefonlar: (55) 701-35-95, (93) 353-18-00
