Xitoy havo kuchlari vertolyotlari Hindiston havo hududi chegaralarini buzdi
O‘tgan hafta so‘nggida Xitoy havo kuchlari vetrolyotlari Hindiston hududiga kirgani aniqlanganidan so‘ng Hindiston havo kuchlari Su-30MKI harbiy samolyotlarini jangovar shay holatga keltirib parvozga ko‘tarildi. Bu haqda ANI agentligi xabar berdi.
Agentlik bergan ma’lumotga ko‘ra, ushbu holat Hindistonning Sikkim shtati va Xitoy chegarasi o‘rtasidagi nazorat postida Xitoy va Hindiston chegarachilari o‘rtasida yuzaga kelgan ziddiyat bilan bir vaqtda sodir bo‘lgan. Ziddiyatda 150 kishiga yaqin odam ishtirok etgan. Ular bir-birlariga toshlar otishgan.
Shu bilan birga agentlik XXR harbiylari ilgari ham Hindistonning nazorat hududi aniq belgilanmagan hududlarini bir necha marta kesib o‘tganligini va bunday vaziyatlar ataylab amalga oshirilmasligini ta’kidladi.
