Xitoyda 75 ta timsoh fermadan chiqib ketdi

Hodisa mamlakat janubidagi suv toshqinlari paytida ro‘y bergan. Ulardan sakkiztasi ushlangan yoki o‘ldirilgan, qolganlari tashqarida, deb xabar beradi BBC News.

Hozircha odamlarga timsoh hujum qilgani haqida xabar berilmagan, biroq rasmiylar janubiy Guandun provinsiyasidagi qishloqlar aholisiga ehtiyotkorlikni tavsiya qilmoqda.

"Vaziyat hozir nazorat ostida, biroq ko‘p timsohlar qochib ketishdi, bu juda xavfli", degan mahalliy favqulodda xizmat vakili.

Fermada siam timsohlari boqilgan. Ularning uzunligi uch metrga va og‘irligi 75 kilogrammga yetadi. Xitoyda ular terisi va go‘shti uchun fermalarda boqiladi.

Xitoydagi suv toshqiniga bir qancha Osiyo mamlakatlariga ta’sir ko‘rsatgan “Xaykuy” to‘foni sabab bo‘lmoqda. Xitoy janubida to‘fon oqibatida kamida yetti kishi halok bo‘lgan, uch kishi bedarak yo‘qolgan.