Xorij voqealari qisqa xabarlarda: Putin Rossiya Ukraina bilan mojaroni hal qilishga tayyorligini tasdiqladi. Nega Germaniya havo kuchlari qiruvchi samolyotlarni osmonga olib chiqdi?
🔹 Rossiya prezidenti mamlakat Ukrainadagi mojaroga barham berish uchun muzokaralarda xavfsizlik kafolatlarini talab qilishini aytdi. “Yerdagi voqeliklar” har qanday muzokaralar uchun asos bo‘lishi kerak. Bunday holatda biz birinchi navbatda Rossiya xavfsizligidan manfaatdormiz" degan u.
🔹 Qo‘shma Shtatlar so‘nggi oylarda Ukrainaga 400 million dollargacha bo‘lgan birinchi harbiy yordam paketini tayyorlamoqda va 12 mart kuni kechqurun Amerika prezidenti Jo Bayden Polsha Bosh vaziri Donald Tusk bilan uchrashganda e’lon qilinishi kutilmoqda. Muhokamalardan xabardor bo‘lgan AQSh rasmiylarining aytishicha, 400 million dollarlik paket turli uzoq va yaqin raketa tizimini o‘z ichiga oladi.
🔹 Erdo‘g‘an 12 yil ichida birinchi marta Iroqqa tashrif buyuradi. Ikki mamlakat rasmiylari Prezident Erdo‘g‘onning Iroqqa tashrifini muhokama qilmoqda. Ta’kidlanishicha, tashrif aprel oyining oxiriga rejalashtirilgan.
🔹 Turkiya Adliya vaziri: agar parlament muddatidan oldin saylovlar o‘tkazish to‘g‘risida qaror qabul qilsa, Erdo‘g‘on uchinchi muddatga prezidentlikka saylanishi mumkin.
🔹 NATOning Boltiq dengizi ustidan havo kuzatuvi missiyasida ishtirok etayotgan Germaniya harbiy-havo kuchlari samolyotlari Rossiyaning Il-20 samolyoti tufayli jalb qilingan. Mamlakat harbiy-havo kuchlari rasmiylarining ta’kidlashicha, Il-20 parvoz rejasi yoki transponder faollashtirilmagan holda topilgan.
