Xorijdagi o‘zbekistonliklarni vatanga olib kelish bo‘yicha charter reyslar jadvaliga o‘zgartirish kiritildi
Respublika maxsus komissiyasining qaroriga muvofiq xorijdagi O‘zbekiston fuqarolarini vatanga olib kelish uchun 2 avgustdan 16 avgust kunlari davomida amalga oshirilishi belgilangan charter reyslarining jadvaliga qisman o‘zgartirish kiritildi.
O‘zbekiston Respublikasi Transport vazirligi axborot xizmati xabariga ko‘ra, 5 avgust kuni “Qohira–Toshkent–Qohira” yo‘nalishida amalga oshirilishi belgilangan parvoz 16 avgust kuni bajariladi.
7-8 avgust “Toshkent–Pekin–Toshkent” yo‘nalishidagi reys esa 13-14 avgust kunlari amalga oshiriladi.
