Zelenskiy G‘alaba kunini 9 maydan 8 mayga ko‘chirishni taklif qildi

Ukraina prezidenti Vladimir Zelenskiy Ukraina xalqining Ikkinchi jahon urushida natsizm ustidan qozonilgan g‘alabaga qo‘shgan hissasi unutilmasligini aytdi va Ukraina “anti-Gitler koalitsiyasi xalqlarining umumiy g‘alabasini o‘zlashtirishga” yo‘l qo‘ymasligiga va’da berdi.

Zelenskiy G‘alaba kunini nishonlashni 9 maydan 8 mayga ko‘chirishni taklif qildi. U Oliy Radaga qonun loyihasini taqdim etdi, unga ko‘ra, 8 may Ikkinchi jahon urushida natsizm ustidan qozonilgan g‘alaba va xotira kuni sifatida nishonlanadi.

Aynan shu kuni Yevropa mamlakatlari G‘alaba kunini nishonlaydi. Bundan tashqari, Zelenskiy Ukrainada 9 may Yevropa kuni – Yevropa Ittifoqi mamlakatlarida tinchlik va birlik xalqaro bayrami sifatida nishonlanadigan farmonni imzoladi.