Qirg‘izistonda “Manas” dostonini ijro etish uchun jamlangan bolalar ustiga yurib ketgan avtoulov holati yuzasidan jinoyat ishi qo‘zg‘atildi

Bir kun avval Qirg‘izistonning Suzoq tumanida YTH sodir bo‘lgani haqida xabarlar tarqalgan edi. Unda "Hyundai Porter" mini-yuk mashinasi respublika tanlovi doirasida “Manas” dostonini ijro etish uchun jamlangan bolalarni bosib ketdi.

Keyinchalik ma’lum bo‘lishicha, haydovchi mashinani to‘xtatib qo‘ygan, lekin dvigatelni o‘chirmagan, shu sababli u harakatlana boshlagan va ommaviy tadbir qatnashchilari ustiga harakatlangan. 20 nafar bola kasalxonaga yotqizilgan, 5 nafari reanimatsiyada. Bu holat bo‘yicha jinoyat ishi qo‘zg‘atilgan.

Vazirlik buyrug‘i bilan mamlakat bo‘ylab “Uraanym Manas” tanlovi doirasidagi barcha tadbirlar bekor qilingan.