Samarqand shahrida erkak kishining jasadi topildi
Joriy yilning 12 iyun kuni Samarqand shahridagi U.Jo‘raqulov va I.Karimov ko‘chalari kesishmasida joylashgan xiyobondagi archalar orasidan 55-60 yoshlardagi noma’lum erkak kishining tashqi ko‘rinishidan jarohatsiz jasadi topilgan edi.
Ko‘rilgan choralar natijasida ushbu jinoyatni Samarqand shahrida yashovchi 30 yoshli Z.N. o‘zaro janjal oqibatida marhum M.N.ning yuziga qo‘li bilan urgan vaqtida u boshi bilan yerga yiqilib jarohat olib, voqea joyida vafot etganligi aniqlanib, Z.N. qo‘lga olingan.
O‘zbekiston Respublikasi IIV Jamoatchilik va OAV bilan aloqalar boshqarmasi bergan ma’lumotga ko‘ra, holat yuzasidan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
