1 yanvardan xorijiy ishchi kuchlarini jalb qilish uchun ruxsatnoma talab etilmaydi

Prezident Farmoniga muvofiq, 2021 yil 1 yanvardan boshlab ruxsat berish xususiyatiga ega hujjatlarning bekor qilinadigan ayrim turlari ro‘yxati:

- xorijiy ishchi kuchlarini jalb qilishga ruxsatnoma;

- sug‘urtalovchining moliyaviy ahvolini sog‘lomlashtirish chora-tadbirlari kompleksini kelishish;

- banklarda auditorlik tekshirishlarini o‘tkazish huquqiga sertifikat; 

- ob’yektlar, mahsulotlar va texnologiyalarning loyihalarini hamda ularni foydalanishga qabul qilib olish ishlarini ularning temir yo‘l transporti sohasida belgilangan talablarga muvofiqligi yuzasidan ekspertiza xulosasi;

- lokomotivlar, yuk va izotermik vagonlarning xizmat qilish muddatlarini uzaytirishga texnik yechimlardan ishlab chiqarishda foydalanishni kelishish;

- suv resurslaridan foydalanish va drenaj-oqova suvlarni tashlash bilan bog‘liq yangi korxonalarni qurish va ishlab turganlarini rekonstruksiya qilish loyihasini kelishish;

- bino va inshootlarni, suv ta’minoti, kanalizatsiya va oqova suvlarni tozalash tizimlarini, gidrotexnika inshootlarini, boshqa ob’yektlarni sanitariya normalari, qoidalari va gigiyena me’yorlariga rioya etgan holda loyihalash, qurish, rekonstruksiya qilishni kelishish;

- kabel televideniyesi tarmoqlarini loyihalashtirish qurish yoki sotib olish, o‘rnatish, olib kirish va foydalanish turidagi ruxsatnoma;

- trenerlik faoliyati bilan shug‘ullanishga ruxsatnoma;

- jismoniy tarbiya-sog‘lomlashtirish yoki sport inshooti pasporti.