Paxtachida o‘zboshimchalik bilan oltin qazib olayotgan 3 nafar fuqaro tosh ostida qoldi

Kecha, 17 sentyabr kuni soat taxminan 18:30 larda 3 nafar fuqaroni Paxtachi tumanida joylashgan, davlat zaxirasida bo‘lgan “Qoraqo‘ton” tog‘ hududidagi shaxtada oltin moddasini o‘zboshimchalik bilan qazish ishlarini olib borayotganida tog‘ toshi bosib qolgan. Oqibatda 2 nafar fuqaro voqea joyida vafot etgan, 1 nafar fuqaro esa tan jarohatlari bilan tuman tibbiyot birlashmasiga yotqizilgan.

Bosh prokuratura xabariga ko‘ra, mazkur holat yuzasidan tuman prokuraturasi tomonidan tergovga qadar tekshiruv harakatlari o‘tkazilmoqda.