Samarqand shahrida quvurni ta’mirlayotgan 2 nafar ishchini tuproq bosib qoldi

Joriy yilning 13 noyabr kuni soat 12:30 larda Samarqand shahri Bog‘imirzo mahalla fuqarolar yig‘ini hududida baxtsiz hodisa yuz berdi.
Bu yerda yollanma ishchi sifatida jalb etilgan N.R. va P.D. suvoqava quvurida ta’mirlash ishlarini olib borayotgan bo‘lgan. Kutilmaganda ularni tuproq bosib qolgan. Bu haqda "Postda" nashri xabar berdi.

Natijada N. R. va P.D. voqea joyida hayotdan ko‘z yumgan. Jasadlar sud-tibbiy ekspertizasiga yuborilgan.
Ayni paytda surishtiruv ishlari olib borilmoqda, deyiladi ma’lumotda.