Икки туп чинорни ширкат раиси кесган

Самарқанд шаҳар экология ва атроф-муҳитни муҳофаза қилиш инспекцияси назорат инспекторлари томонидан ўтказилган рейд тадбири давомида Гагарин кўчаси 40-уйнинг орқасида 2 туп қуриган чинор дарахтини ноқонуний равишда, "Ойдин Келажак" уй-жой мулкдорлари ширкати раиси Б.Қ. томонидан кесилганлиги аниқланди.

Ҳуқуқбузарга нисбатан Ўзбекистон Республикаси "Табиатни муҳофаза қилиш тўғрисида"ги Қонуни талаблари бузилганлиги учун Ўзбекистон Республикаси МЖтКнинг 79-моддаси 1-қисмида назарда тутилган жавобгарлик учун маъмурий баённома тузилиб, базавий ҳисоблаш миқдорининг 5 баробари миқдорида жарима қўлланилди.

Самарқанд вилояти экология ва атроф-муҳитни муҳофаза қилиш бошқармаси ахборот хизмати.