Одамларда учрайдиган "ноёб" касалликлар

Дунёда аҳолининг жуда оз қисми улардан азият чекадиган ва давоси топилмаган камдан-кам учрайдиган касалликлар мавжуд. Белгилари ва ривожланиши ўрганишга берилмаган бу касалликлар билан танишамиз.

Прогерия

Бу касаллик аломатлари инсоннинг тез қариши орқали ўзини намоён қилади. Беморларнинг бўйи пастлигича қолади, сочлари ўсмайди, бурни чўзинчоқ, териси эса ажинли бўлади. Кичкина болалар сиртдан қараганда кексаларга ўхшайди, касалликдан азият чекадиганларнинг бутун танаси туғилишиданоқ қарий бошлайди, улар кўпи билан 18 ёшгача яшайди. Аксарият беморлар қариялар касаллиги - атеросклероздан вафот этади. Прогерия беморга генетик даражада узатилади.

Цицеро

Бузуқ иштаҳа (баднафслик) касаллиги билан оғриган одамлар мутлақо ейилмайдиган нарсаларни ейишади. Очофатлар рационига ҳар қандай қоғоз, пластмасса ёки кимёвий моддалар кириши мумкин. Шу билан бирга, беморлар ўз “егуликларини” фаҳмлаб олган ҳолда истеъмол қилишни хоҳлашади.

Порфирия

Қуёш нуридан қўрқиш – бу касалликни вампир синдроми деб ҳам аташади. Ультрафиолет нури таъсирида беморнинг териси қизил доғ билан қопланиб, у жуда қаттиқ оғриқни бошдан кечиради. Беморнинг тана тўқималаридаги пигмент алмашинуви бузилиши ушбу симптомларни келтириб чиқаради. Касалликдан азият чекадиган одамлар фақат қуёш нурларидан қочиш орқали нормал яшаши ва ишлаши мумкин.

Микропсия

Микропсия – атроф муҳитдаги объектларнинг ҳақиқий ўлчамларини бузиб кўриш. Ушбу неврологик касалликка чалинган беморга барча нарсалар, ҳатто ўз танаси ҳам ҳажмига нисбатан кичикроқ кўринади. Унинг нафақат кўриш қобилияти, балки бошқа ҳислари ҳам бузилган.

Кўк тери синдроми

Териси кўк ёки бинафша рангга эга одамнинг бундай аломати танасининг ҳолатига умуман таъсир қилмайди. Улар ўзларини мутлақо нормал ҳис қилишади ва кексаликка қадар яшайди. Бу касаллик ҳам инсонга генетик тарзда ўтади.

Гипертрихоз

Генетик хусусиятга эга гипертрихоздан азият чекадиган одамнинг танаси жуда кўп миқдордаги сочлар билан қопланган. Сочлар нафақат бутун терини қоплайди, улар жуда интенсив ўсади. Гипертрихозли аёлларнинг юзида узун, қалин соқоли бўлади. Шунингдек, беморларга кенг бурун, катта оғиз ва кенгайган ияк каби характерли юз хусусиятлари берилган.

Клейн-Левин синдроми

Сабаби маълум бўлмаган неврологик касалликка чалинган одамлар кўп вақтини уйқу ҳолатида ўтказади. Уйғониб, фақат ҳаётий фаолиятни таъминлаш учун зарур овқатланиш, ювиниш, ҳожатхонага бориш каби табиий эҳтиёжларни бажариб, сўнг яна уйқу дунёсига шўнғишади. Фаол ҳаёт ҳолатига қайтаришга уринишлар улар томонидан агрессив тарзда қабул қилинади. Баъзида улар ҳатто ҳақиқийликни тушдан ажратишда қийналади, галлюцинация ва хотира бузилиш ҳолатлари содир бўлиб туради. Бундай хатти-ҳаракатлар ойига 2-3 кун давом этиб, шундан сўнг одам ўзига келиб, нормал ҳаётга қайтиши мумкин.

Сувга аллергия

Жуда кам учрайдиган бу касаллик одамда туғма ёки кейинчалик ҳаёти давомида пайдо бўлиши мумкин. Сувга чидамсизлик билан оғриган одамлар сув ва уни ўз ичига олган ичимликларни ичмайди, ҳатто сувга тегинишга ҳам дош бера олмайди. Танасига бир томчи тушган сув уларга оғриқ беради.

Оғриқ сезувчанлигининг йўқлиги

Ушбу касаллик оғриқнинг тўлиқ йўқлиги билан намоён бўлади. Бундан ташқари, касал на совуқни, на иссиқни ҳис қилмайди. Ушбу синдромга чалинган одамлар ҳатто ҳаёти ва соғлиғи учун хавф борлиги мумкинлигини умуман билмасдан яшашади.

Баҳора Муҳаммадиева тайёрлади.