Вазирлик абитуриент ва ота-оналарга мурожаат қилди

2020/2021 ўқув йили учун олий таълим муассасаларига қабул жараёни бошланиши муносабати билан абитуриентлар ва уларнинг ота-оналарига қулайлик яратиш ҳамда уларни қизиқтирган саволларга тезкор жавоб бериш мақсадида Олий ва ўрта махсус таълим вазирлигида Call-марказ ташкил этилди, деб хабар бермоқда Олий ва ўрта махсус таълим вазирлиги ахборот хизмати.

Фуқаролар (71) 246-38-57 телефон рақами орқали Call-марказ билан боғланиб, ўзларини қизиқтирган саволларига жавоб олишлари мумкин.

Call-марказ душанбадан шанбагача ҳар  куни соат 9:00 дан  17:00 га қадар  (тушлик – соат 13:00 дан 14:00 гача) фаолият кўрсатади.

Республикадаги барча ОТМларда ҳам қабул жараёнида Call-марказлар ишлайди ва улар ҳақида қўшимча маълумот берилади.