Бирлашган Араб Амирликларидан 271 нафар ҳамюртимиз Ўзбекистонга олиб келинди
3 июнь куни маҳаллий вақт билан соат 23:50 да Uzbekistan airways авиакомпаниясининг “Boeing 787-8 Dreamliner” самолёти Тошкент халқаро аэропортига келиб қўнди.
Хорижий давлатларда оғир аҳволда қолган фуқароларни ватанга олиб келиш бўйича тасдиқланган чартер рейслар жадвалига мувофиқ БААга амалга оширилган рейс билан 271 нафар ҳамюртларимиз Ўзбекистонга олиб келинди.
Ўзбекистонга қайтган барча фуқаролар белгиланган тартибда 14 кундан кам бўлмаган муддатга карантин марказига жойлаштирилади.
Бу ҳақда Транспорт вазирлиги ахборот хизмати хабар берди.
