Европа Иттифоқи Мьянмадаги ҳарбий тўнтаришни қатъий қоралади
Европа Иттифоқи Мьянмадаги ҳарбий тўнтаришни мамлакат халқининг иродасини зўрлаб намоён қилишга йўл қўйилмайдиган уриниш сифатида қатъий қоралади.
"2020 йил 8 ноябрда бўлиб ўтган умумий сайловларда Мьянма халқи ўзининг иштироки билан демократик жараёнларга катта ишонч билдирди. Ушбу сайловлар мамлакатнинг демократияга ўтишида муҳим воқеа бўлди", деди Европа Иттифоқи номидан унинг давлат ташқи ишлар ва хавфсизлик сиёсати бўйича олий вакили Жозеп Боррель.
"Овоз беришдаги қонунбузарлик тўғрисидаги ҳар қандай даъво тегишли қонуний ва маъмурий қонунлар асосида ҳал қилиниши керак", дея таъкидлади у. "Мьянма халқининг танловини оёқости қилиш ноқонуний, демократик тамойилларга зид ва мамлакатни орқага чекинтиради".
Европа Иттифоқи дипломатияси раҳбари, иттифоқ Мьянманинг фуқаролик ва демократик тизимга ўтишининг тинч жараёни, миллий келишув ҳамда ҳар томонлама ижтимоий-иқтисодий ривожланишининг қатъий тарафдори бўлганини таъкидлади. У ҳарбийларни Президентни, Давлат маслаҳатчилар ва бошқа ҳибсга олинганларни зудлик билан, ҳеч қандай шартсиз озод қилишга, ўзини тийишга, алоқани тиклаш ва инсон ҳуқуқлари, сўз эркинлиги, асосий эркинлик ва қонун устуворлигини ҳурмат қилишга чақирди.
Шунингдек, Европа Иттифоқи уларни фавқулодда ҳолатни дарҳол бекор қилиш, фуқаролик бошқарувини тиклаш, янги сайланган парламент ишини бошлашга ва президент, вице-президентлар ҳамда янги ҳукумат тайинлаш жараёнини бошлашга ундади.
"Биз вазиятни виждонан ҳал қилиб, конституциявий тартибга қайтишни истаган барча муҳим манфаатдор томонлар билан мулоқотни давом эттиришга тайёрмиз", дейилади баёнотда.
Европа Иттифоқи Мьянма ва унинг таркибига кирувчи янги штатлар фуқаролари хавфсизлиги таъминланишини кутади ва демократиянинг ғалабасини таъминлаш учун барча мавжуд вариантларни кўриб чиқади.
