Самарқанддаги олийгоҳ Американинг логистика компанияси билан ҳамкорликка келишди

Самарқанд халқаро технология университети (SIUT) Америкадаги логистика компанияси - Sultan Trans Inc. билан таълим ва тадқиқотларни ривожлантиришга қаратилган ўзаро ҳамкорлик меморандумини имзолади.

Самарқанд халқаро технология университети ва Sultan Trans Inc. ўртасидаги меморандумда талабалар учун амалий машғулотларни ташкил этиш ва уларга халқаро логистика соҳасида тажриба орттириш имкониятини бериш кўзда тутилган.

Университет вакиллари бундай ҳамкорлик талабаларда халқаро профессор-ўқитувчилардан назарий билим олиш, йирик хорижий транспорт компаниясида амалиёт ўташ учун имкониятга эга бўлишини таъкидламоқда.