Тойлоқда "Спортни сев - спорт билан яша!" шиори остида спорт мусобақаси ўтказилди
Тойлоқ тумани Болалар ва ўсмирлар спорт мактабида Самарқанд вилояти қўриқлаш бошқармаси 14-алоҳида отряди ходимларининг ташаббуси билан “Спортни сев - спорт билан яша!” шиори остида спортнинг баскетбол тури бўйича 2006-2007 йилларда туғилган қизлар ўртасида мусобақа бўлиб ўтди.
Унда вилоятимизнинг шаҳар ва туманларидан келган ёш спортчилар иштирок этди. Беллашувда Самарқанд шаҳри жамоаси 1-ўринни, Пахтачи тумани 2 -ўринни ҳамда Иштихон тумани қизлар жамоаси 3-ўринни қўлга киритди.
Ғолиб ва совриндорлар эсдалик совғалар ва фахрий ёрлиқлар билан тақдирланди.
