10 ming mehnat migranti soddalashtirilgan tartibda O‘zbekistondan Rossiyaga ishga jalb qilinadi
Bu haqda bugun AOKAda o‘tkazilgan brifingda Bandlik va mehnat munosabatlari vazirligi axborot xizmati rahbari Mavjuda Mirzayeva ma’lum qildi:
«Nomzodlarni ishga jalb qilish bilan bog‘liq, jumladan, tibbiy ko‘rikdan o‘tkazish, emlash, rus tili, Rossiya tarixi va qonunchiligi bo‘yicha imtihon topshirish, patent rasmiylashtirish va transport xarajatlari — ish beruvchilar tomonidan qoplanishi ko‘zda tutilmoqda.
Shu paytgacha Rossiyaga ishga boruvchi fuqarolar patent hujjatini olishi uchun o‘sha mamlakatda 5 xil turdagi tibbiy ko‘rikdan o‘tishi hamda barmoq izini ichki ishlar bazasiga kiritishi uchun 1 oygacha bo‘lgan muddat talab qilinar edi. Endilikda shu kabi ishlar O‘zbekistonda amalga oshiriladi, ishchilar tayyor holatda Rossiya mehnat bozoriga kirib boradi».
