21 dekabrda 800 yildan keyin birinchi marta yuz beradigan noyob astronomik hodisa kuzatiladi
Olimlar 2020 yil 21 dekabrda quyosh botgandan keyin Yupiter va Saturn sayyoralari o‘rta asrlar vaqtidan buyon birinchi marta tungi osmonda bir-biriga minimal masofaga yaqinlashishini aytmoqda. Bu haqda Phys.org nashri ma’lum qildi.
Ikki gaz giganti har 20 yilda bir-biriga yaqin masofaga keladi. Ammo ular bir-biriga kamdan-kam holatda minimal masofaga yaqinlashadi. Oxirgi marta bunday yaqinlashuv 1226 yil 4 martida yuz bergan. 16-25 dekabr kunlari Yupiter va Saturn o‘rtasidagi masofa Yerdan turib kuzatilganda to‘lin Oyning beshdan bir qismiga teng bo‘ladi va ikki sayyora go‘yoki qo‘sh sayyoradek ko‘rinadi.
Ekvator aholisi bu hodisani kuzatish uchun eng yaxshi imkoniyatga ega bo‘ladi. Ammo uni ob-havo sharoiti imkon bersa, dunyoning istalgan burchagidan kuzatish mumkin. Sayyoralar Quyosh botgandan bir soat keyin osmonning g‘arbida ko‘rina boshlaydi. Kuzatuvchi qanchalik shimolroqda joylashgan bo‘lsa, sayyoralar ufq ortiga ketmasidan ushbu hodisani kuzatish uchun shunchalik kamroq vaqt bo‘ladi.
Mutaxassislarning ta’kidlashicha, sayyoralar keyingi safar 2080 yil 15 martda, so‘ngra 2400 yildagina yana bir-biriga yaqin keladi.
SamDU professori Ortiq PARDAYeV tayyorladi.
