77 kilo giyohvandlik vositasini kartoshka ko‘rinishida yashirgan narkokurerlar ushlandi
Davlat xavfsizlik xizmati va Davlat bojxona qo‘mitasi xodimlari Toshkent viloyati Toshkent tumanida o‘tkazilgan tezkor tadbirda ichida bir necha kishi bo‘lgan «Damas» rusumli avtomashinani kuzatgan.
Maxsus xizmatlar mashinani Hasanboy aholi punktigacha kuzatib, «Damas»ga qopda kartoshka ortayotgan paytda barchani qo‘lga olishgan.
Xaltalarni ochib, ko‘zdan kechirganda 480 dan ortiq kartoshka qiyofasida bo‘lgan o‘ramlar topilgan. Ularda 77 kilogrammdan ortiq opiy va gashish giyohvandlik moddasi bo‘lgan.
Narkokurerlar orasida xorij fuqarosi ham bo‘lgan.
