Aeroportda qadimiy haykalchani mamlakatimizdan yashirincha olib chiqib ketilishi oldi olindi

Mazkur haykalcha “Samarqand aeroporti” chegara bojxona posti xodimlari tomonidan aniqlangan. “Samarqand-Vnukovo” yo‘nalishidagi aviareys bilan uchib ketayotgan fuqaro I.X. “yashil” yo‘lak orqali bojxona nazoratidan o‘tayotganida, unga tegishli bagaj sumkasidan olib ketish uchun maxsus ruxsatnoma talab etiladigan haykalcha borligi ma’lum bo‘lgan. Bu haqda viloyat bojxona boshqarmasi axborot xizmati xabar bermoqda.

Viloyat Madaniy meros boshqarmasi xulosasiga ko‘ra, haykalcha XIX asrning ikkinchi yarmi XX asr birinchi yarmida yaratilgan.

Haykalcha O‘zbekiston Respublikasi hududidan chiqib ketishi oldi olinib, o‘rnatilgan tartibda Samarqand davlat muzey-qo‘riqxonasiga topshirildi.