AQSh tillasini qayerda saqlaydi?

Dunyoni dollarga qaram qilib olayotgan Amerikaning tilla zaxirasi qancha va uni qayerda saqlaydi? Bu ko‘pchilik uchun qiziq.

AQShning oltin zaxirasi 8080 tonna. Uning 4580 tonnasi Kentukki shtatidagi «Fort-Noks» armiya bazasida saqlanyapti. 1700 tonnasi Nyu-York shtatida Uest Poynt harbiy shaharchasida, yana 1400 tonnasi Deneverdagi Monet dvori bo‘limida turibdi, 400 tonnasi Nyu-Yorkda Manxettendagi Federal rezerv bank bo‘limi yerto‘lasida saqlanyapti.

Amerika oltin zaxiralarini nafaqat murakkab muhandislik tizimi, balki harbiy qo‘shin ham qo‘riqlaydi.

***

Kimning valyutasi eng ommaviy?

Bu savolga hamma AQSh dollari-da, deb javob berishi aniq. Haqiqat jahon xalqaro hisob-kitoblarda AQSh dollarining ulushi eng katta – 39 foizdan ko‘proqni tashkil qiladi.

Undan sal kamroq yevro hissasiga to‘g‘ri keladi – 38 foiz. Uchinchi o‘rinda Avstraliya, Gonkong dollarlari turibdi. Rossiya rubli ushbu ro‘yxatda 20-o‘rinda.

T.Shomurodov tayyorladi.